AFYA YA JOSE CHAMELEON YAZIDI KUZOROTA

Mwanamuziki wa Uganda Joseph Mayanja maarufu kama Jose Chameleone ameripotiwa kuugua na kwa sasa amelazwa katika Hospitali ya Nakasero nchini Uganda.

Kwa mujibu wa familia yake, afya ya Chameleon imekuwa ikizorota kwa wiki moja iliyopita tangu akiwa hospitalini.

Ripoti zinaonyesha kuwa Jose Chameleone amekuwa akipambana na shida ya ini na kongosho kwa muda sasa kufuatia kugundulika mwaka jana.

Alhamisi usiku, Chameleone alikimbizwa Kliniki ya Madaktari wa Seguku baada ya hali yake kuwa mbaya. Walakini, baada ya masaa machache hospitalini, aliomba kuruhusiwa akisema alijisikia vizuri.

Aliporudi nyumbani, Chameleone alizidiwa wakati wa asubuhi ya Ijumaa na alikimbizwa katika hospitali ya juu huko Kampala.

Tatizo la mwanamziki huyo liligundulika mnamo 2015.