MUME AMUUA MKEWE AKIHISI ANAMLOGA

  

DUNIA haina jema. Katika umri wao wa uzeeni, mume mwenye umri wa miaka 62, amemuua mkewe aliyemzidi miaka miwili kwa kile alichowaambia Polisi wa Katavi kuwa anahisi mwenza wake alikuwa akimloga.

Mwanamke huyo aitwae Farazia Nzigiyimana, Mhutu mwenye umri wa miaka 60 ambae alikua Mkulima wa Kijiji cha Kabanga, Kabungu, Wilayani Tanganyika anadaiwa kuuawa na mumewe Nestory Ntibigimana (62) usiku wakiwa wamelala.

"Ilikua saa tisa usiku, mwanaume huyo alimuua mke wake kwa kumpiga na kitu chenye ncha butu kichwani na sehemu ya paji la uso, Mume wake pia ni Mhutu, baada ya tukio mtuhumiwa alitoroka lakini akakamatwa, tulipomuhoji akasema alifanya hivyo kwa sababu alikua anahisi Marehemu amekua akimloga," alisema RPC Benjamin Kuzaga.