IJUE SIMULIZI YA MEDIA TYCOON VLADIMIR GUSINSKY NA PUTIN

MNAMO mwaka wa 1999, kulikuwa na muungano/umoja wa kisiasa ambao uliwajumuisha rais wa wakati huo wa Urusi, Borris Yeltsin, jamaa zake na Yeltsin, pamoja na kundi la wafanyabiashara mwenye nguvu, wanaojulikana kama Family, ambao ndio inasemekana walimleta Vladimir Putin kama mrithi pekee wa Rais Yeltsin.

Wakati huo huo, Vladimir Gusinsky alijiweka nje ya kikundi hicho chenye nguvu cha Family na kwa sababu hiyo alituhumiwa kuunga mkono makundi ya upinzani yaliyokuwa yakienenda kinyume na matakwa ya Kremlin (Ikulu ya Russia). Na huu ndio ulikuwa mwanzo wa mzozo kati ya pedeshee/papaa Gusinsky, kikundi cha watoto wa mjini cha Family, pamoja na Luteni Kanali Vladmir Putin.

Mnamo Septemba mwaka 1999 kulikuwa na mashambulio kadhaa ya kigaidi huko jijini Moscow na miji mingine nchini Urusi. Majengo kadhaa yalilipuliwa kwa mabomu na watu wengi sana waliuawa. Kremlin/Ikulu ya Urusi ilichukua msimamo wa kuamini kwamba makundi ya magaidi wa Chechen ndio waliokuwa wanahusika na mabomu hayo.

Wakati huo huo, kikundi cha majirani waliokuwa wanaishi katika jengo la ghorofa kumi pale jijini Moscow walikutana na idadi kubwa ya vilipuzi/explosives chini ya jengo lao, na wakaripoti kwa Police/FSB. Wakati huo kundi la wachunguzi wa waandishi wa habari wa kujitegemea walifunua funua ukweli fulani ambao uliunganisha vilipuzi vile na watu walio na uhusiano na Police/FSB.

Television ya NTV ya bwana Gusinsky kwa kupenda sifa ya kufurahisha mabeberu iliamua kuchukua msimamo na kufanya uchunguzi wa kina kama waandishi wa habari - ikichunguza uwezekano wa kwamba Police/FSB ilikuwa ikitengeneza milipuko kwa makusudi katika juhudi za kushawishi uchaguzi ujao na kuhakikisha kundi la Family linashinda.

Ukweli kwamba kituo cha NTV cha bwana Gusinsky kilianza uchunguzi  juu ya milipuko ile kilisababisha hasira kali sana huko Ikulu/Kremlin; kwa kweli, Gusinsky alipewa tamko kali la kuondoa uchunguzi ule wa huru kutoka katika kituo chake cha NTV, laa sivyo atakabiliwa na athari ambazo hakuzitarajia.

Gusinsky alikataa katakata kusitisha uchunguzi ule. Kwa kuongezea tu ni kwamba, wadau mbalimbali wa kujitegemea (bila shaka ni vibaraka wa mabeberu) waliishutumu ikulu ya Kremlin na Kanali Putin kwa kuandaa milipuko ile, na kusababisha vita mpya vya Chechen, kwa lengo la kujiongezea umaarufu katika mchakato wa uchaguzi uliokuwa unafuata.

Hii ilikuwa hatua ya mwisho ya kuvunjika kwa uhusiano mwema uliokuwapo mwanzo baina ya Gusinsky na Kremlin, kikundi cha watoto wa mjini cha Family, pamoja na mrithi wa Yeltsin ambaye ni Putin. Mnamo 31 Disemba 1999 Rais Yeltsin alijiuzulu, na Vladimir Putin alikua rais mteule wa Urusi. Putin alikaimu kiti kwa muda kabla ya kula kiapo.

Kujiuzulu kwa Yeltsin kulimleta Putin kuwa Kaimu Urais wa muda wa Russia, na uchaguzi uliofuata mnamo mwezi Mei mwaka 2000 ulimleta Putin mamlakani bila pingamizi.

Moja kati ya matendo ya kwanza kukosolewa hadharani ya rais mpya Putin ilikuwa kuanza kwa uchunguzi dhidi ya Gusinsky kwa lengo la kuiweka NTV chini ya udhibiti wa serikali na kuwanyamazisha wapinzani.

Mnamo mwezi wa Juni, ofisi ya Mwendesha Mashtaka Mkuu wa serikali ilizindua uchunguzi dhidi ya Gusinsky kwa matumizi mabaya ya pesa (Money Laundering) yakihusiana na kampuni ya utengenezaji ya video ya nchini Urusi iliyokuwa inamilikiwa na ndugu wa bwana Gusinsky. Mnamo mwezi Juni tarehe 13 alikamatwa huko jijini Moscow na kuwekwa lupango/ndani.

Muda mfupi baada ya kukamatwa, wawakilishi wa Gusinsky walipendekeza kwa Ikulu ya Kremlin kuuza vyombo vile vya habari kwa kampuni ya serikali ya Gazprom-Media kwa bei ambayo Gazprom-Media inataka, ya Dola za Kimarekani milioni 300, ili pedeshee/papaa Gusinsky aweze kupata uhuru wake.

Baada ya siku tatu za shinikizo kubwa la umma, Gusinsky aliachiliwa kutoka gerezani na kuwekwa kizuizini nyumbani kwake mnamo mwezi wa Juni tarehe 16. Wiki kadhaa baadaye, mnamo mwezi wa Julai, alisaini makubaliano ya kuuza vyombo vyake vyote vya habari kwa Dola za Kimarekani milioni 300.

Mchakato wa mauzo ulisainiwa na naibu Waziri wa wakati huo katika nafasi yake kama mkuu wa Wizara ya Habari, Utangazaji na Mawasiliano ya Shirikisho la Urusi.

Uchunguzi/upelelezi wa makosa ya jinai dhidi yake ulifungwa, na Gusinsky aliondoka Urusi mara moja. Kuanzia wakati huo Gusinsky hakuwahi kurudi teeeeeeeeeenaaa Urusi.