SEKRETARIETI MPYA CCM KUTANGAZWA LEO

 

MAKAMU Mwenyekiti wa Chama Cha Mapinduzi (CCM) Bara, Philip Mangula amesema baada ya kumchagua Mwenyekiti wa Taifa wa chama hicho, Samia Suluhu Hassan, kazi itaendelea ili kuiteua na kuitangaza Sekretarieti mpya.

Moja ya nafasi inayosubiriwa kwa hamu kubwa ni ile ya Katibu Mkuu wa chama hicho ambayo imekuwa wazi tangu Bashiru Ally Kakurwa alipoteuliwa na baadaye kuondolewa kuwa Katibu Mkuu Kiongozi.

"Zege halilali," alisema Mwenyekiti Mpya Mama Samia wakati akiufunga rasmi mkutano mkuu maalum, huku akiwataka wajumbe wa Halmashauri Kuu kuendelea kusubiri ili kuimaliza kazi hiyo leo hii hii.