Rais Samia asema Mzee Mwinyi alisisitiza mazoezi

​

Na Ahmed Sagaff - Maelezo

Rais wa Jamhuri ya Muungano wa Tanzania, Dkt. Samia Suluhu Hassan ameeleza kwamba aliyekuwa Rais wa awamu ya pili, Mzee Ali Hassan Mwinyi alisisitiza umuhimu wa kufanya mazoezi katika kipindi hiki chenye ongezeko kubwa la vifo vinavyotokana na magonjwa yasiyoambukiza.

Akizungumza leo jijini Zanzibar, Rais Samia amesema Mzee Mwinyi aliyekufa akiwa na miaka 98 alipewa tuzo nyingi za kufanya mazoezi na kwamba aliendelea kufanya mazoezi mpaka alipokufa kwa ugonjwa usioambukiza uitwao saratani ya mapafu.

"Mzee Mwinyi ameweka njia zake ambazo haziwezi kurithiwa na mtu yeyote," ameeleza Rais Samia.

Naye, Rais Mstaafu wa Zanzibar, Dkt. Ali Mohamed Shein amemuelezea Mzee Mwinyi kama mtu aliyepambana kuitengeneza hadithi yake njema ambayo inasimuliwa na watu mbalimbali wakiwamo watu wanaofanya mazoezi ili kujilinda dhidi ya magonjwa yasiyoambukiza.

"Hadithi nzuri haiji hivihivi tu, lazima iandaliwe  kwa heshima kubwa, nidhamu nzuri, ustaarabu katika kila mbinu ya kuandoka hadithi, alituasa sisi sote," amesimulia Dkt. Shein.

Kufanya mazoezi ni jambo jema linalosisitizwa na wataalamu wa afya akiwa Prof. Mohamed Janabi ambaye hivi karibuni amekuwa akitoa nasaha kuhusu mazoezi.